MADALING-ARAW NA NGUNIT gising na gising pa rin ang diwa ni Dashiell. Nasa balkonahe siya ng kaniyang kuwarto, nakaupo sa isang upuan at hawak sa kaniyang kanan ang isang bote ng beer habang nakatingala sa kalangitang punong-puno ng mga bituin.
Hindi pa rin makapaniwala si Dashiell ngayon nang malaman niya mula kay Grace na pumunta rito si Camilla. Isang tanong lang ang paulit-ulit na umiikot sa isipan ni Dashiell ngayon, "bakit bumalik si Camilla?" Bumalik ba ito para makipagbalikan sa kaniya at ayusin ang nasira nilang relasyon? O bumalik ito para muling ibalik ang sakit na idinulot nito sa kaniya dalawang taon na ang nakalipas? Sakit na matagal na niyang ibinaon sa limot.
Hindi na namalayan ni Dashiell na unti-unti nang namalisbis sa mga mata niya pababa sa kaniyang magkabilang pisngi
