PIKIT-MATANG INILAGAY ni Melannie ang tableta sa ibabaw ng kaniyang dila kapagkuwan ay kinuha ang basong may lamang tubig. Inisang lagok niya ang laman ng baso at nang matapos, marahas siyang nagpakawala ng hangin sa bibig.
"What are you doing here, Melannie?"
Napaigtad siya bigla nang marinig ang tinig ni Madame Constance sa likuran niya. Mariin siyang napalunok saka pasimpleng kinuha ang isang latag ng tableta sa ibabaw ng counter at itinago iyon upang hindi makita ng matanda. Muling lumunok si Melannie bago tuluyang humarap sa matanda.
"U-U-U-Um-m-minom lang po ako ng tubig, Madame Constance. May kailangan po ba kayo?" nangingiting tugon ni Melannie sa matanda kahit sa loob-loob niya ay kabang-kaba siya na animo'y may mga nagkakarerang mga kabayo sa dibdib niya.
"Wala naman akong ka
