CHAPTER 11
GWYNETH's POV: (JANETH)
MAGHAPON kong pinag-isipan ang raket na binanggit ni Hanna.
Kung pag-iisipan ko nang mabuti ay hindi ko nga kakayanin ang gano'ng raket. At kahit naman gawin ko iyon ay wala naman sa aking papatol na lalaki — gayong ganito ang mukha ko. Baka nga kapag nakita nila ang itsura ko ay bigla silang tumakbo.
Kaya kahit gustuhin ko mang kumita ng pera, tila imposible na may tumanggap sa akin.
"Janeth, dadalhin ko na sa hospital si nanay... Hindi na raw kasi siya makahinga. Kailangan ko na siyang i-confine," saad ni Anthony nang bumalik siya sa bahay para kunin ang mga gamit ni Aleng Nita.
"Ano? — Pero saan ka naman kukuha ng pambayad sa hospital, Anthony?" tanong ko agad sa kanya.
"Tsaka ko na 'yan iisipin, Janeth. Ang importante ay maagapan ko ang buh
