Sariwa ang hangin ngayong gabi dito sa may gilid ng bahay nila Mykolas. Dito namin piniling maglagi sa may pool area nila habang umiinom ng red wine. May pinahanda ring pagkain si Mykolas kahit na halos katatapos ang naming kumain.
Sinamahan rin kami dito ng dalawa niyang kapatid subalit nakababad na sila sa pool. Hindi kasi sinabi ni Mykolas na may swimming pool dito! Eh, 'di sana ay nakapagdala ako ng swim suit at extra clothes.
Nate-tempt tuloy akong bumabad sa tubig na suot ang dress ko. Nate-tempt rin akong manghiram ng swim suit kay Sage o kaya kay Makenna na mukhang nag-e-enjoy ngayong gabi. Kung hindi lang talaga nakakahiya, eh.
Iyong mga magulang naman niya ay nagpaalam na kanina na magpapahinga na. Hindi rin ako sigurado kung anong oras ako ipapahatid o ihahatid ni Mykolas sa
