Sinikap kong magkaro'n kami ng malawakang distansiya ni Mykolas mula sa isa't isa nang makapasok na kami sa kuwarto niya. Mukhang gano'n rin naman ang gusto niya dahil nasa kabilang bahagi ito ng kuwarto, samantalang ako ay tumayo malapit sa bintana.
Nasa pagitan naming dalawa ang kama, at sigurado naman akong maririnig ko ang bawat sasabihin niya.
At hindi pa rin gaanong nagsi-sink in sa akin na iyong lalaking sinamahan ko ay isa ring mamamatay-tao. I seem to radiate attraction exclusively to criminals, huh? Bakit kasi wala sa mga hitsura nila na gano'n sila? Bakit rin ang bilis kong ma-attract sa mga kriminal?
May problema nga talaga siguro sa akin.
"Saan ka nakita ni Jercie?" Paunang tanong ni Mykolas habang pabalik-balik ng lakad sa kabilang banda ng silid.
"Sa isang bar sa Pub St
