"ANG hirap lang paniwalaan, di ba, Buddy? Sa dinami-dami ng panahon at pagkakataon, noon pa talaga nangyari na nasira ang CCTV. Noon pa talagang gabi na naaksidente ka. Hindi ka ba nagtataka?"
"Ewan ko, ha! Pero parang gusto kong maniwala na nasusuhulan talaga ang karamihan ngayon. Sabi mo di ba, sportscar 'yung huli mong nakita bago ka nabangga? Ibig sabihin, may pera ang nakadali sa'yo. At malamang na kumilos agad para mapagtakpan ang kasalanan niya."
"Nakakainis lang dito kasi wala tayong magawa. Sinabi na nila, e! Hindi gumagana noong time na 'yun. So walang footage. Ibig sabihin, wala na rin ang- Buddy!"
Napalundag sa kinauupuan si Cruzette sa malakas na tawag ni Roswell na sinabayan pa ng pagsiko. Gulat na nilingon niya ito at nagtatanong ang mga tingin na ipinukol sa isa't isa.
