LIVE BAND, videoke at acoustic ang ipinagmamalaki ng isang sing-along spot na pag-aari ng pinsang-buo ni Yvez. Kaya hindi siya magtataka kung malaman niyang band member din pala ang ito.
"Hindi ako nagbabanda. Kumakanta lang talaga ako kapag nasa mood," ani Yvez nang usisain ito ng iba pa nilang kasama. Walo sila lahat na naroon. Maliban pa sa acoustic guitarist na nakausap ni Yvez.
Kumain sila. Konting kwentuhan at pagkatapos ay sinimulan na ang jamming sa isang Sia hit.
Hindi niya akalain na na-miss din pala niya ang pagkanta. At pakiwari niya ay may mga damdaming nakakulong sa dibdib ang nakakalaya sa bawat pagbitaw niya ng mga linya.
Ni minsan ay hindi niya naitanong sa sarili kung ano sa kaniya ang pagkanta. Kung ano sa kaniya ang musika. Para kasi sa kaniya ay iyon lamang ang tan
