NAGPAKUHA si Cruzette ng taxi sa mga gwardiya at ilang sandali pa ay nasa biyahe na siya patungo sa RCC. Inilabas niya ang cellphone at tinawagan ang numero ni Sonny.
"Bestfriend!" tili nito. Na-imagine na niyang naglingunan dito ang mga kasama sa Admin.
"O, napatawag ka? Anong atin?"
"Papunta akong RCC ngayon. Malapit na ako actually."
"Oh? Why? May namiss ka... agad?" tudyo nito.
"Tumigil ka nga d'yan!" saway niya. "Ganito, itetext kita kapag nasa ibaba na'ko. May ipapakuha lang ako sa'yo."
"Okay. No problem. See you..."
Inatake siya ng kaba. Ewan ba niya. Hindi naman niya balak magpakita kay Clyde kundi ipapaakyat lang kay Sonny ang banana cue na ginawa. Sana lang ay magustuhan ni Clyde iyon.
Nag-text siya kay Sonny at agad nagreply ang kaibigan na bababa na ito. Lumabas siya ng
