Migo’s POV
Ang sakit ng katawan ko. Tila hindi ko ata kayang bumangon ngayong araw. Nakakaisang linggo pa lang ako sa paggi-gym pero parang gusto ko nang sumuko. Bumangon na ako sa kama at doon ay mas lalo kong nadama ang sakit ng katawan ko. Sa totoo lang, hindi naman bago sa akin ito. Dati na akong naglalagi sa gym, kaya lang masyado nang matagal ‘yun. Pero, laban lang. Ganito naman talaga sa una. Bago ko makamit ang maganda kong katawan, kailangan masaktan, maghirap at magdusa. Tiis-guwapo ata ang tawag dito.
Tumingin ako sa orasan. Alas otso lang pala ng umaga. Tamang-tama lang ang gising ko. Tumuloy na ako sa banyo para maghilamos. Nakaka-isang linggo na rin ako sa paggamit ng skin care na pinabili ko nang nakaraang linggo kay Julio. Oo, pati skin care kinakarir ko na rin. Para hind
