"A-AKALA ko maliligo ka?" ang naguguluhang tanong ni Lana nang hilahin siya ni Andrew papasok sa isang pamilyar na silid.
Hindi na sumagot ang binata. Mabilis nitong inihagis pasara ang pinto saka pagkatapos ay parang mauubusan ng panahon siyang itinulak sa likuran ng pinto at nagmamadaling kinuyumos ng halik ang kaniyang mga labi.
"Maliligo ako kung sasamahan mo ako" si Andrew na sinagot ang tanong niya kanina nang sandaling iwan nito ang mariing paghalik sa kanya. "akin ka lang Lana, akin ka" pagkuwan ay dugtong pa nito sa tila nang-aangkin na tono at saka sa ganoong paraan ay muling siyang hinalikan.
Parang nauupos na kandilang napahawak lang sa knob ng pinto ang dalaga. Bumaba ang mga labi ni Andrew sa kaniyang leeg. Napasinghap siya sa init ng mga iyon na malayang dumadampi sa kani
