"MOMMY! Daddy!" ang masayang salubong sa kanila ni Andrea kinagabihan.
Si Andrew ay agad na kinarga ang anak na humalik naman sa pisngi nito. "For you princess" ang binatang iniabot kay Andrea ang isang box ng donuts.
Masaya iyong tinanggap ng bata saka muling humalik sa pisngi ni Andrew bago nagpababa at patakbong pumasok sa kabahayan.
"Mukhang hinintay ka ng bestfriend mo" si Andrew na binigyang diin ang salita bestfriend nang papasok na sila.
Hindi maintindihan ni Lana kung anong emosyon ang nakita niyang gumuhit sa mga mata ni Andrew. At kung anuman iyon, hindi rin naman napigilan ng dalaga ang lihim na kiligin kahit pa wala namang assurance kung selos ba iyon o hindi.
Sa kabahayan nabungaran nila sina Andrea at Marius. Agad na tumayo ang bestfriend niyang lumapit sa kanya saka
