"WHAT are you doing here?" nang makabawi sa pagkabigla ay sinikap ni Lana na gawing pormal ang tono at nagtagumpay naman doon ang dalaga.
Umangat ang makakapal na kilay ng binata kasabay ng muling pagsilay ng isang makamandag na ngiting nagbigay ng kakaibang kilabot sa kanya. Kilabot na sa loob ng mahabang panahon ay hindi niya naramdaman sa kahit sinong lalaking nagtangkang lumapit sa kaniya.
"Hindi na ako magpapaligoy-ligoy pa. Alam kong alam mo ang dahilan kung bakit ako nandito, at alam mo rin mismo sa sarili mo na maraming kang kailangang ipaliwanag sa akin" mariin ang mga salitang binibitawan ni Andrew. Habang ang mga mata naman nito ay mataman ang pagkakatitig sa kaniya.
Mabilis na umiwas si Lana sa nakakapasong titig sa kanya ng binata. "H-Hindi ko alam kung anong ibig mong sabi
