KATULAD ng sinabi ni Lana, nag-half day siya nang araw ring iyon. Hinintay siya ni Andrew sa kabila ng pagtataboy niya rito at pagsasabing magkita na lamang sila ng lalaki kung saan.
"Hindi ka talaga tumitigil hangga't hindi mo nakukuha ang gusto mo ano? Hangga't hindi ka nananalo" ang mariin at inis niya sabi nang nasa parking na sila ng malaking gusali kung saan siya nagtatrabaho.
Tumawa ng mahina si Andrew. "Masama bang yayain kang sumabay na sa akin since may dala akong kotse at ikaw ay wala?" anitong sinundan muli ang sinabi ng mahinang tawa.
Matalim ang titig na ipinukol niya sa lalaki. Pagkatapos ay huminto nang makitang tumigil sa tapat ng isang kulay puting Land Cruiser ang binata. Pamilyar kay Lana ang sasakyang iyon. Magkakahalo ang mga emosyon na mabilis naramdaman ng dalaga
