فصليه من صغري

بارت 9

عباس : حسيتها صدك انقهرت حيل مني معرفت شلون اصرف وياها ... خلص خلص اهدي راح اطلع بس لاتنسين الي كلته

درر : طلع عباس من الغرفه سديت الباب وراه وقفلتها عليه خاف يفكر يرجع للغرفه .. رحت ركض على تليفوني اتصل على بابا ميرد عليه تهسترت ..ضل بالي عليه حيل اتصلت على امي نجمه واني ابجي .. ردت عليه ..امي بابا وين ليش ميرد عليه

ام علي : شبيج ياعيون امج ليش هل البجي .. ابوج بالمضافه وعنده شغل وهل تلكين تليفونه مغلق ...

درر : امي تعاليلي ... ليش هيح سوى بيه بابا (احجى واني ابجي )

ام علي : درر يمه شبيج شصاير وياج شمسويلج احجي

درر : امي ض*بني

ام علي : **ر ايده انشاالله هسه دقايق واني يمكم هذا شحسباله ماوراج احد ويطكج والخلقج مايلوم الاروحه .. تخبلت من عرفت ضارب درر .. هاي درر المدلله الي نسمه الهوه متغثها يجي واحد يض*بها كان لازم اروحلها لان هسه وضع البيت كلش تعبان والشيخ ضاري طاح عليها عكب طلعة درر من البيت .. رحت بسرعه على درر دخلت الكل تلكاني ولااكنما شي صاير اجواء البيت كلش هاديه مامبؤن عليهم اي مشكله رحبو بيه الناس هوايه ومبين عليهم اجاويد ... سالت على درر كالو بغرفتها طلبت يودوني عليها

درر : جتي امي نجمه فتحتلها الباب واني ابجي حاولت تفتهم الي صار واني حجيت كل الي صار ... وكل العاده اطلع اني غلطانه ول**ني طويل

ام علي : يايمه تصرفج كله غلط لبسج غلط وكلامج هم غلط يايمه ليش هيج تردين يكولون ماعرفو يربون بنيتهم ياعيون امج هسه الوضع تغير لازم تتأقلمين ويالوضع وكونه الشيخ ضاري سامع هل الكلام جان مو طكاج راشدي جان **رج وكعدج

درر : امي انتي شتكولين راح يقبل بابا بهل الوضع

ام علي : اي يرضى لانج انتي غلطانه والغلط من راسج لي رجلج

درر : دائما كلام امي نجمه يقنعني حسيت بروحي غلطانه واقتنعت قررت اغير طريقه لبسي وكلامي ....بس مستحيل اسامح عبيسان لو اتركه يدخل غرفتي وفعلا راحت امي نجمه ورجعت قفلت الباب واي احد يجي عليه مافتحله الباب واكثر من مرة يصحولي حتى انزل واني ماارضى والي قاهرني بالموضوع اني ميته من الجوع

عباس : السلام عليكم ...

ام الشيخ : وعليكم السلام هله يايمه .

عباس : يمه درر نزلت اكلت شفتوها

ام الشيخ : لا والله يايمه مااعرف شمالها اكثر من مرة وديت عليها وماقبلت تنزل وانته تعرف مالي شده ع الصعده فوك

عباس : لا يايمه معذورة انتي هسه اني اشوفها ... يمه اني ض*بتها الصبح بسبب اسلوبها

ام الشيخ : لا ياشيخنا غلطة وتصرفك غلط هاي بعدها صغيرة ومتعلمه على الدلال مايصير تعاملها بهل السلام وتسمع حجي النساوين

عباس : يايمه اني ماسمعت حجي النساوين اني سمعت كلامها واستهزاءها من كالت منو عباس لازم تعرف رح تتحاسب وبشده لو تكرر الموضوع اني اعرف صغيرة ومدلله بس لشوكت تبقى صغيرة وتصرفاتها هيج يايمه كرامتي من كرامه مرتي وهي لازم تلوك بالشيخ عباس

ام الشيخ : ميخالف يايمه بس مو هيج شويه شويه على كيف وياها .. اصعد يمه اخذ بخاطرها وراضيها بكلمه حلوة حتى اطيعك وتسمع كلمتك

عباس : خليها يايمه خل تعرف روحها غلطانه .. يمه حيل تعبان تصبحين على خير

ام الشيخ : براحتك يايمه وانته من اهل الخير

عباس : وصلت لباب غرفتي فكرت بكلام امي وصدك ان**ر كَلبي على درر اذكرت دموعها قررت اروحلها واخذ بخاطرها وفعلا رحت لحد باب غرفتها

وللقصه بقيه