فصليه من صغري

بارت 6

درر : فتحت عيني كَوه مابيه افتحها من كثر البجي الي بجيه قبل ماانام ..لكيت امي نجمه نايمه ع الكرويته بغرفتي وهي كاعده كمت عليها ... امي امي ليش نايمه هنا وانتي كاعده

ام علي : ها ياعيونج امج بقيت اعاين عليج وغفيت مادريت بنفسي

درر : امي نجمه شنو هل الهوسه جوة والصوت

ام علي : هسه انزل اشوف شصاير واصعد اعلمج

درر : زين اني رح احاول ارجع انام ميته من التعب ... نزلت امي نجمه واني بقيت فوك حاولت ارجع انام بس كانت اكو فوضى مكدرت انام ماكو اقل من نص ساعه ودخلت امي نجمه للغرفه .... ها امي شكو جوة شنو هل الفوضى

ام علي : نزلت راسي واني مخنوكه ودمعتي بطرف عيني شكولج يايمه

درر : احجي امي شبيج ... هم رجعو تعاركو

ام علي : لا ياعيونج امج انحلت الكونه بس بنت شيج ال عجيل ومريه الشيخ ادهم حضرت وهذا واجبها حضر وياها

7

درر : شنو شنو ... شنو شبسرعه وكل هذا ليش

ام علي : يمه الشيخ يكول لازم تنزلين اسلمينوتحظرين عقد القران وبعدها نجهزج حتى تروحين لبيت زلمتج

درر : امي انتي شتكولين هو هذا هم حجى اني مستحيل ازوج بهل الطريقه ?? وبديت ابجي

ام علي : لا يايمه لا كله ولادموعج تدرين دموعج اغلى من روحي بس يايمه لات**رين كلام الشيخ وتضيعين هيبه بين العربان ...هذا الشيخ ضاري جبير الكل وانتي لو مهما تكون غلاتج عدنه لازم تسمعين حجايه وتكونين تحت طوعه

درر : بقيت ساكته واني ماكلني الهم اكل ومحتارة بامري شلون اقبل واسكت لو ارفض وا**ر هيبه بابا خصوصاً بعد ماهمه دزو بنتهم عروسه لاادهم ... صار امي راح اغير ملابسي وانزل

ام علي : يابعد رويحة امج هاي ترباتي ...يمه انتي بنتيتي الي بطني مشالتها واريدج تعرفين اني تمنيت اموت ولااشوف هل اليوم دوم جنت اتمنى البسج ثوب ابيض وازفج بأيدي

درر : احساسي صعب بهل الموقف مااكدر اكَول اني محتاجه ماما بهل اللحظات هاي الي بابا **رني بيها مااريد ا**ر بخاطر الانسانه الي تعبت عليه وربتني واهتمت بيه اكثر من ابنها ... تالي سكتت ... وبعد شويه نزلت جوة لكيت البنات ونمارق مرتبين البيت وكل شي ومتحظرين حتى يسوون زفه ل ادهم وعروسته نمارق كالت دخلي سلمي ع البنيه .. الصراحه كلش مالي نفس اشوفها ولااسلم عليها بس دخلت مجبورة لكيتها كاعده سلمت عليها بثكل واول كلمه طلعت مني وطبعا بدون قصد بس اني كنت مذبوحه كتلها شبسرعه دزوج اهلج هي ردت عليه برد كلش فاجئني ..وكالت

لحظه الي يأمر ابويه الشيخ اني انفذ بدون نقاش ومن عادتنا الي يبادر اول ويدز العروسه يبقى دوم مرفوع الراس ... ها خير انشاالله شرفتي يازوجه الشيخ ادهم ..طلعت من الغرفه لكيت ادهم عند الباب وسمع كلامي

ادهم : درر اني ادري مقا**ه ع الموضوع ومو انتي الي تنطي فصليه بس هذا الي صار وانفرض علينا .. ماكو داعي اذبين قهرج بالبنيه وتجرحيها بكلامج

درر : زين تعرفون مو درر الي تنطي فصليه بس انتو نطيتوها ... مقصرتو ياخويه .. وين بابا شوكت تردوني اروح

ادهم : ابويه راح للمقبرة وكال من ارجع لازم نجهرج حتى ناخذج معززة مكرمه

درر : اكيد راح يشكيني ل ماما ....; لااتعبون نفسكم واجهزين شي حسب عاداتكم الفصليه بدون جهاز نو لو اني غلطانه

ادهم : روحي خيتي روحي قبل ماافقد اعصابي واضوجج

درر : عفته ومشيت رجت للحديقه انتضر بابا على امل يدخل ويكولي انسي الي حجينا البارحه .. شفت ايهم كاخذ جنطته وطالع من البيت ركضت عليه ايهم ايهم وين رايح

ايهم : راجع لبغداد هذا البيت مالي مكان بي مادام مالي كلمه بي ... اني دائما كنت اكَوللهم عوفو هاي المشاكل بس محد سمع مني لحد مارحتي انتي الضحيه

درر : ههههههههه روح الله وياك هذا كلام الشيخ ومحد يكدر ي**ره

وللقصه بقيه