Chapter 9
Kinabukasan maaga akong nagising para ipaghanda ng almusal si Janzel. Tulog pa rin ito sa sofa. Hindi talaga siya tumabi sa akin.
Nagtungo na lamang ako sa banyo at ginawa ang aking morning routine. Pagkatapos ay bumaba na ako. Nakita ko naman ang Daddy ni Janzel na nakabihis na at paalis na. Nang makita niya ako ay binati niya.
‘’Good morning, Iha.’’
‘’Good morning, Dad,’’ ngiti kong bati sa kaniya.
‘’Tulog pa ang asawa mo? Ang aga mo yata nagising?’’ tanong niya sa akin.
‘’Opo, Dad. Magluluto sana ako ng a-almusalin natin, pero parang nagmamadali po kayong umalis,’’ wika ko sa kaniya.
‘’May kameeting kasi ako na mga kaalyado ko. Alam mo naman na malapit na ang election. Siya nga pala, ang sarap mong magluto, Cristy. Mamayang gabi dito ako kakain, puwede mo bang paglutua
