CHAPTER 18
“Salamat at nakaganti din ako sa baklang Donel na ‘yon. Nakita mo yung mata niya? Yung inggit sa akin? Naku, para ako nanalo ng lotto.”
Nakangiti lang si Klein. Hindi siya sanay na ganoon ang kaibigan. Hindi naman kasi ganoon ito noong college sila. Mas nagiging palaban nan ga lang siya pagdating sa lalaki.
Pumasok sila sa isang grocery. Kumuha si Robert ng grocery basket at binigyan din siya. “Bumili kang mga kailangan mo, okey? Sabon, shampoo, deodorant, kutkutin, basta lahat ng sa tingin mo ay kailangan mo. Ako nang bahala magbayad.”
“Lubog na ako ng utang sa’yo.”
“Treat ko na ‘yan sa ginawa mo kanina.”
“Alam mo parang ibang tao ka na.”
“Kailangan mong magbago kapag nasa ibang bansa ka. Kailangan mong lumaban. Kailangan mong maging matigas dahil kung hindi, lalamunin k
