THE CALL GIRL
BY: JOEMAR ANCHETA (PINAGPALA)
CHAPTER 45
Ilang minuto na lang matatapos na ang kanyang shift. Gusto niyang maglasing para kahit sandali ay matakasan niya ang kabiguan. Naisip niya si Klein. Siya lang ang alam niyang matatakbuhan.
Hinanap niya ang number ni Klein sa kaniyang contacts. Nanginginig ang kanyang mga daliri. Tigib ng luha ang kanyang mga mata. Kung tutuusin wala siyang karapatang magalit kasi hindi rin naman siya naging tapat sa kanyang kinakasama pero wala sa isip niyang ipagpalit siya. Wala sa hinagap niya na kaya siyang bitiwan ni Culver para sa ibang babae.
Tumunog na ang cellphone ni Klein hanggang sa narinig na niya ang boses nito sa kabilang linya.
“Oh, bakit ka napatawag. Himala ah.”
“Klein, busy ka?” garalgal ang boses niya.
“Okey ka lang? Umiiy
