THE CALL GIRL
BY: JOEMAR ANCHETA (PINAGPALA)
CHAPTER 37
“Kanino,” parang may bumarang parang ano sa lalamunan ni Leigh. Parang nasamid siya. “Ehemmmm” kailangan niyang matanggal ang kung anong bumara sa kanyang lalamunan.
“Sa akin po ‘yan.” Itinaas ni Klein ang kanyang kamay.
Lihim na nagngitian sina Nicole at Klein. Sinadya nilang si Leigh ang maghahatid sa kanyang kakainin.
Umikot si Leigh. Hindi niya alam kung bakit ninenerbiyos siya. Nang umikot siya ay bigla na lang natumba ang mango shake sa kanyang tray at sa mismong ulo ni Klein bumuhos iyon.
Pigil-hininga ang lahat.
Napatayo si Klein. Hinarap niya si Leigh. Galit na galit ang mukha nito. Wala pa man sinasabi ay napayuko na si Leigh.
“Sorry sir.” Nataranta siya. Hindi niya niya alam kung pupunasan ba niya ang ulo ni Kle
