THE CALL GIRL
BY: JOEMAR ANCHETA (PINAGPALA)
CHAPTER 40
Hindi na muli pang nagsalita si Klein. Tahimik lang ito sa pagdadrive. Hindi rin niya alam kung paano niya babasagin ang katahimikan lalo pa't malaki ang kagustuhan niyang baguhin ang maling direksiyon na tinatahak ni Leigh. Para sa ibang lalaki, maruming babae na si Leigh. Hindi na nababagay pa sa kanya. May anak na ito sa ibang lalaki at alam niya na si Culver pa rin talaga ang mahal ni Leigh.
Hindi alam ni Leigh na alam niya lahat ang nangyayari at ginagawa nito dahil kay Nicole. Si Nicole ang nagsasabi sa lahat ng ginagawa ni Leigh kaya kahit pa labag sa loob niyang lapitan ito at muling papasukin sa kanyang mundo ay ginawa niya dahil ayaw niyang balang-araw mapapahamak ito sa Saudi. Iyon ang kinatatakutan niyang mangyari. An
