THE CALL GIRL
BY: JOEMAR ANCHETA (PINAGPALA)
CHAPTER 49
Parang nang asawa ang turing ni Klein kay Leigh. Naging baliktad nga lamang dahil ang nagluluto at naglalaba ay si Klein. Iyon ang mga bagay na hindi nagawa ni Culver ni minsan kay Leigh. Ang minsan na paghatid ni Klein ng ulam at labahin kay Leigh ay dumalas na. Hindi na iniintindi pa ni Leigh ang lulutuin at kakainin. Pagbalik ng kaniyang mga damit ay bukod sa mabango ang pagkakalaba, plantsado na din. Namuhay siyang parang isang prinsesa. Ang dating buong Friday na dati ay kay Dindo ay kay Klein na.
Hindi rin nakakaligtaan ni Klein na pabaunan siya ng pera sa tuwing magkakahiwalay sila sa umaga ng Sabado. Hindi man siya sinasabihan ngunit alam ni Klein na hindi pa rin siya tinuturing ni Leigh na karelasyon kundi isang custome
