YOONA:
MAINGAY, MAGULO, at sobrang saya ng pag-welcome party sa akin nila Mommy at Daddy sa mansion nila Mama Liezel. Dito namin idinaos ang party kung saan nag-imbita din sila ng media para sa paglantad ko sa publiko. Dahil sa koneksyon nila Mommy at Daddy ay mabilis lang din kumalat sa internet at buong bansa ang tungkol sa akin. Ang pagbabalik ko sa pamilya Montereal.
Hindi ko na rin inalam muna ang nangyari kay Mommy Sydney at Nanay Gwen. May bahagi sa puso ko ang nasasaktan para sa kanila pero mas nangingibabaw sa ngayon ang totoong magulang ko. Dahil nasa dalawang dekada din silang nangulila sa akin. At ganun din ako sa kanila. Hindi pa ako handa na makaharap ang mga taong dahilan kung bakit ako nawalay sa pamilya ko. Kung bakit nagdusa ang mga ito lalong-lalo na ang mga magulang
