CATHRYN:
NATAHIMIK KAMI pareho habang magkatabi. Nakasandal ako sa balikat nito at hawak-hawak ko ang kanyang kamay. Hindi naman ito umaangal o umiimik. Napapikit akong may ngiti sa mga labi. Dama ko ang kapayapaan ng isip at puso ko habang nakasandal dito. Pakiramdam ko ay nakauwi na ako, sa tahanan ko. At 'yon ay sa piling ng lalakeng mahal ko. Ang Sherwin ko.
"Um, nagugutom ka ba? Tara sa loob, may pagkain don" pag-aaya nito na marinig ang pagkalam ng tyan ko.
Mariin akong nakagat ang ibabang labi. Nag-init ang pisngi na nahihiyang ngumiti dito.
"Sorry, nagutom ako sa haba ng byahe eh" tipid itong ngumiti na tumayo na.
Napalunok ako na napababa ng tingin. Hindi pa nga niya naitatayo ng tuwid ang kanang binti nito. May hawak siyang tungkod na siyang nakaalalay sa binti nito para hin
