SA TWO WEEKS na pagtuturo sa akin ni Lieutenant Rex ng taekwondo at Jiu-Jitsu, kahit papaano ay marami akong natutunan. Alam ko na kung paano sumuntok at umiwas, sumipa at magpatumba ng kalaban. At masasabi kong malakas na rin ako sumuntok at sumipa. Sulit na sulit kahit nanakit ang katawan ko sa bawat araw ng training namin. Paano ba naman kasi walang patawad si Lieutenant Rex; balibag kung balibag, pilipit kung pilipit, sakal kung sakal. Sa totoo lang ay kawawa talaga ako sa kanya bawat araw, pakiramdam ko nga ay pinag-iinitan niya ako. Mabuti na lang ay hindi naman niya ako nagawang suntukin sa mukha, dahil kung nagkataon ay baka nanghiram na ako ng mukha sa aso dahil talagang sira ang mukha ko, sa lakas ba naman niyang sumuntok at sumipa. Napakahaba pa ng kanyang mga paa, palibhasa mat
