MATAPOS nilang mag-usap ay umalis din agad si Sir Rex. Naiwan naman kaming dalawa ni Yael sa kanyang apartment.
Ngayon ay kasalukuyan kaming narito sa kanyang kitchen at kumakain na ng dinner; kung kanina steak ang lunch namin, ngayon naman ay puro fried chicken naman at soda. Seriously, bakit ganito? Hindi yata ako sanay na walang kanin, sayang ang sarap pa naman sana ng ulam, parang nakakapanghinayang kung papapakin lang.
“Captain, wala bang kanin?” tanong ko na hindi na nakatiis pa.
“Wala, hindi uso sa akin ang kanin. Magmula ngayon, mas mabuting sanayin mo na ang sarili mong hindi kumakain ng kanin.”
Nabitin ang tangka kong pagkagat sa hita ng piniritong manok. “Pero masama sa kalusugan na ganito lagi ang kakainin sa araw-araw, Captain.”
“Huwag kang mag-alala, ngayon lang naman a
