NABULABOG ang masarap kong tulog dahil sa malakas na pagyugyog sa akin ng isang roommate ko.
“Wendel, gising na! Pinapatawag ka ni Captain! Dalian mo!”
Napabalikwas ako bigla ng bangon. “Ha, bakit naman daw? Anong dahilan?”
“Basta lumabas ka na lang.” Matapos nitong sabihin 'yun ay tumakbo na palabas ng room, ni hindi na ako hinintay pa.
Nawala naman ang antok ko at nagmamadali nang bumaba ng kama. Nang mapatingin ako sa bawat bed ay wala na palang mga katao-tao, ako na lang pala mag-isa.
“Hala, 07:03 AM na rin pala!” gulat kong bulalas nang makita ang oras sa wall clock na nakasabit.
Kaya naman dali-dali na akong pumasok ng bathroom. Naghilamos ako at nagsipilyo. Mabuti na lang ay nakaligo ako kagabi bago natulog, kaya okay lang kahit hindi na muna ako maligo. Mamaya na lang sa hap
