"Nakita ng dalawang mata ko, lumingon siya sa akin! Hindi ko alam kung paano niya nagawa iyon, nagulat lang din ako, kinakausap ko lang siya tapos bigla niya akong tinignan!" paliwanag ni Peach.
"Talaga ho, Ma'am?" saad ni Gina.
Si Adriano naman ay naupo sa gilid ng kama ng kanyang ina habang ang doktor ay iniilawan ang mga mata nito.
"Still no responses, sigurado ka ba hija sa sinasabi mo?" tanong ng doktor.
"Opo Doc, kitang kita ko po, please, maniwala po kayo sa akin," saad ni Peach.
"Kung totoo 'yang sinasabi mo dapat magre response ito sa ilaw na tinatapat ko sa mata ng pasyente dahil ibig sabihin non ay gumagana ang brain niya, may activity, pero wala eh, at napakahirap non para sa pasyenteng braindead, lalo na't matagal-tagal na rin na ganito ang kalagayan ni Mrs. Hidalgo,
