Sa sobrang sama ng loob ay bumalik si Peach sa loob ng Bar at dumiretso sa dressing room, muli siyang nagpalit ng nakakaakit na manipis na damit at sinuot ang kanyang five inch na platform heels. Napatanong pa kanina si Jorelle sa kanya kung bakit siya bumalik ngunit hindi niya na sinagot iyon.
Naghilamos siya at saka muling naglagay ng make up, masamang masama ang loob niya dahil sa nangyari pero dahil wala siyang choice ay kailangan niyang mag ayos at subukang muli, kung hindi siya makakaalis sa lugar na iyon gamit ang perang pinaghirapan ay kailangan niyang subukang mapili sa bidding upang makalaya siya sa hawla dahil tila napag iiwanan na siya ng mga kasamahan niya, umalis na rin si Quince at maging si Lychee ay wala na dahil maswerte silang binili ng mga bilyonaryo nilang kasintahan
