Hindi biro ang pinagdaanan ni Calix bago nito narating ang sikat na cake na shop na minsan n'yang pinuntahan kasama ang mag-ina. Literal kasing temptasyon ang hatid sa kanya ng liwanag na nagmumula sa kaliwa't kanang club at mas lalo pang bumilis ang kabog ng dibdib nito nang masilayan ang mga babaeng kung makasuot ng mini bodycon dress ay parang wala nang bukas.
"I need your three best selling cakes for tonight, Miss!" mayabang n'yang sambit nang sinalubong ito ng tingin ng babaeng nagtatrabaho sa cake shop.
Iginala nito ang paningin sa buong establishment at lihim na lamang na napangiti nang matandaan ang pamilyar na amoy sa paligid. Hindi lamang dahil sa tamis kung hindi may mas malalim na puwang ito sa puso n'ya.
Sinariwa na lamang ni Calix ang mga alaala ng yumaong ina habang pinag
