❀⊱Jocelyn's POV⊰❀
"Saan ka pupunta? Lagi ka yatang umaalis ngayon kapag day off mo?" Napatingin ako kay Teodora. Ngumiti ako sa kanya at sinabi ko na may pupuntahan lang ako.
"Sasama ako. Hindi naman kita hahayaang lumakad mag-isa lalo na ngayon na buntis ka." Nagulat naman ako. Hindi ko naman siya pwedeng isama dahil sa penthouse ni Zandro ako pupunta. Saka may trabaho siya ng alas nueve kaya mag-isa na ako dito kapag umalis na siya.
"Baliw ka talaga! May bibilhin lang naman kaya ako aalis. Saka may pasok ka pa ngayon kaya okay lang kahit mag-isa ako. Uuwi din naman agad ako. Saka hindi naman ako bata na dapat laging sinasamahan. Ikaw talaga, ang drama ng kaibigan ko." Natawa naman siya at napatingin sa orasan niyang pambisig. Alas otso na kasi at kaylanman ay hindi siya nagpapahuli s
