Maghapon ang mag-anak na Geizler sa Aplayang Munti at doon ipinagdiwang ang kaarawan ni Jack.
Halata ang kasiyahan ng magkapatid at kahit ng mag-asawang Geizler. Sumasali sila sa kalokohan ng dalawa at natatawa na lang si Jillian sa nakikitang kakulitan ng mga ito. Alam na nya kung saan nagmana si Jack sa kakulitan. Napaka-kulit pala ng ama ng dalawa at napaka-touchy din sa asawa. Lagi itong nakapulupot at paminsan-minsan ay nakikita nyang nagnanakaw ng halik dito. Parang natatanaw na nya sa hinaharap ang older version ni Jack sa ama nito.
Kung noon ay hindi masyadong nakadikit si Jack sa kanya pag nasa harap ang magulang, ibang iba na ngayon. Dahil tulad ng ama nito, halos nakadikit lagi ito sa kanya at laging naka-lingkis sa kanyang katawan. Panay din ang pisil nito sa pang-upo nya pag
