BH 15
PASALAMAT si Phoenix sa coffee break, nakalabas siya sa building at ngayon ay nakakapaghithit ng sigarilyo. Bente minutos lang iyon pero malaking bagay pa rin, lalo na ngayon at stressed siya.
Wala naman dapat siyang ika-stressed pero sa tagal ng panahon na kinalimutan niya ang pinanggalingan, may tumawag na isang 'bituin' mula sa MGC.
MGC...
Napailing siya. Bakit parang hinahanap siya ng multo ng kanyang pinanggalingan. Hindi na siya si Phoenix Montebello. Matagal ng patay ang lalaking yun. Ibinaon na niya yun sa limot.
Nakaupo siya sa simentong upuan, sa ilalim ng mayabong na puno. Nasa loob pa rin yun ng perimeter ng HL Realties. Naririnig naman dun ang bell kapag tapos na ang bente minutos na break kaya madali siyang makakabalik sa lobby.
Ibinuga niya ang sigarilyo. Nakaka
