NAPA-KRUS ng kaniyang mga braso si Nikki at sumandal sa kaniyang light brown na swivel chair nang pumasok sa maliit na private office niya si Caden. May isang salita nga ito. Nandito ito ngayon upang makipagkita sa kaniya at kahit paano ay nais niyang marinig ang business proposal nito. Baka naman ay iba ito sa offer ng Soledad Hotel na nasa tapat lang ng gusali niya. Somehow she wanted to hear about it.
“So, ano’ng business proposal mo?” diretsahang tanong niya sa binata.
Ngumisi ito at may isang plastic folder na inilagay sa ibabaw ng mesa niyang gawa sa narra. Napatingin siya roon at pabalik sa mukha ng lalaki. Kahit paano ay napansin na niya ang three-piece business suit na suot nito na kulay dark blue. In fairness, kahit ano talagang isinusuot ng egotistical na lalaking ito ay bagay
