MASYADONG MABILIS ANG mga pangyayari upang hindi iyon makitang lahat ni Rocco ngunit malaki ang pasasalamat niya na hindi sila tuluyang bumangga sa malaking nilalang na natutulog ngayon sa katubigan. Pinakatitigan niya iyong mabuti upang makilatis ang itsura nito.
May inilalabas na itim na tinta sa katawan ang malaking babaeng nakamaskara. May taas ito na kalahati sa pangkaraniwang gusali. Lumuluha ng dugo ang dalawang mata nitong nakasarado. Ngunit hindi siya sigurado kung maskara o mukha nito ang nakikita niya dahil halos ang natatanaw niya ay mga itim na parte ng katawan dito. Sa parte ng tila maskarang iyon ay mga tusok-tusok at nagmumukhang korona nito. Mayroon din itong isang mata sa gitna ng noo na tanging nakabukas ngunit hindi niya alam kung gising iyon. Ang dalawang kamay nito
