"Luto na. Kain na tayo dahil alam kong may trabaho ka pa," saad ni Dos na ngumiti sa kanya.
"Kumain kang mag-isa mo! Mamaya na lang ako kakain dahil ayaw kitang kasabay," gagad niya.
"Okay. Then, kakain na ako dahil maaga pa akong papasok sa opisina," pahayag nito.
Inalis ni Dos ang nakasalang niyang niluluto sa kalan. Naghain na rin ito ng almusal. Pero, nagtataka si Georgina dahil dalawang plato ang inihahain nito.
"Sabi ko, hindi ako kakain. Pero, ba't may plato ako?" untag ni Georgina.
"Baka, kasi maalala mong kumain ay kakain ka. Pero, kung talagang ayaw mo naman, then ako lang kakain," depensa nito. Naghugas na si Dos ng kamay. Umupo na siya at naglagay ng toyo at kalamansi na may kasamang sili. "Ang sarap nito! Iyong isa riyan, kunyari na ayaw kumain, pero ang totoo ay gust
