Chapter 24
"A-Ano'ng sinasabi mong pinipili mo ko?" nalilitong tanong ni Marli kay Travis matapos nitong sabihin na kaya ito nakipagbreak kay Sarah ay dahil ayaw siya nitong mawala...
"K-Kailangan ba talagang ulitin ko pa?" parang napapahiya ng tanong nito.
Napairap tuloy siya.
"Hindi na. Narinig ko naman talaga. Pinapaulit ko lang para makasiguro, kaso alam ko naman na hindi talaga ako 'yong dahilan kung bakit ka nakipagbreak. Nagtaksil 'yong Sarah Mahadera mo kaya mo tinapos ang relasiyon niyo! Bobolahin mo pa ko!"
Napabuntong hininga ito.
"O sige, sabihin na nating gano'n nga. Nakipagbreak ako dahil nahuli ko siya. Nasaktan ako, oo. Sino ba namang hindi? Kasama ko siya sa loob ng tatlong taon. We also had a happy moments. Tapos malalaman kong hindi pala totoo lahat 'yon? Galit ka
