Chapter 43
Buong selebrasiyon ng kaarawan ni JC ay hindi talaga sila nagpapansinan ni Travis o mas tamang sabihin na ito talaga ang hindi namamansin. Magkakasama lamang naman silang mga bagets sa isang lamesa.
Nang sumapit ang hapon ay nagsiuwian na rin ang mga bisita.
"Tita dito po muna sila? Minsan lang kami magkakasama-sama, eh." request ni JC sa mga magulang niya.
"Magpupuyat kayo?" usisa ng Daddy Gino nila.
"Sige na Dad. Minsan lang naman, tutal wala ring pasok bukas, eh." pangungumbinsi niya sa ama.
Nag-usap-usap na sila nina JC kanina na magnanight swimming sila.
"Payagan mo na Gino, andiyan naman si Gian. Saka ayan lang ang bahay natin, oh. Katapat lang." anang Mommy niya.
"Okay sige. Pero wag masiyadong late. Magsisimba pa tayo, bukas. Sige na, alis na kami. Inaantok na k
