Chapter 41
"Oo, siya nga iyong binato ko. Pero matagal na naman kaming bati no'n. Well back to story, inatake siya kanina kasi may nagpadala ng video," anang Mommy Lia niya.
"Video lang inatake na? Ano'ng klaseng video ba 'yong ipinadala? Horror ba o baka naman...porn?" tatawa-tawang tanong ng Ninong Terrence nila kaya nagkatawanan silang dalawa ni Jarrence.
Si Travis naman ay napailing at natawa din.
"Terrence, 'yang bibig mo. May mga bata!" nanlalaki ang mga matang saway ng Daddy nila dito.
"Sus. Di na bata mga 'yan. Gets na nila 'yan pre. Natawa nga, eh."
"Tsk, ewan ko sa'yo Terrence. Wala kang pinagbago. Oo na. Private video iyong ipinadala kay Mr. Tan thru e-mail. Kaya lang ang mas nakakagulat, iyong apo niyang babae ang involve. Si Andrea. Seveteen palang ang batang 'yon. Hays.
