Nang makarating sa resort ay agad silang humingi ng rescue team at kapulisan para madakip ang lalaking mandurokot na nasa isla. Pinalibutan ng magkakaibigan ang dalaga na noo'y aligaga at hindi pa makausap ng matino. Makikitang emosyonal ito at halatang takot na takot.
"Parating na ang ambulansya," ani ni Lara.
"S-salamat ha..."
"Kung gusto mo, ihahatid ka na lang namin sa inyo?" suhestyon naman ni Leon.
"Teka, teka, anong nangyayari dito?" mabilis na dulog ng mama ni Lara, halatang hindi alam ang nangyayari.
"Nay, narescue po namin siya sa kabilang isla."
"Dyos ko? Anong nangyari sa kaniya?"
"Nahostage po, at minolestiya." Si Veronica ang sumagot.
"Oh dyos ko, taga saan ka ba hija? Nasaan ang mga magulang mo?"
Hindi sumagot ang dalaga, nakatingin lang ito sa matanda.
"Pamilyar p
