"Welcome!" bungad ni Leon sa lahat, kararating lang nila Lara sa sandaling iyon, katunayan masaya ang mga ito dahil hindi sila makapaniwala sa natatanaw nilang resort, binayaran ni Leon ang isang linggong rent para sa exclusive rental.
"Ang ganda naman dito!" masayang bungad ng ginang kay Leon saka niyakap ito nang mahigpit.
"Anything for you po, nanay." Masayang sambit ni Leon dito.
"Naku, ang bait-bait mo naman, hijo. Ang swerte ng mapapangasawa mo." Tapik pa ng matanda sa likuran nito.
"Naku, nanay. Sinabi mo pa!" singit naman ni Alana na noo'y nagbababa ng mga gamit kasama si sir Adam. Ganoon din sina Veronica at Paul na medyo tahimik, siguro'y ayaw nilang sumabat dahil baka may masabi na naman silang hindi maganda.
"Nay, sana maging masaya po kayo dito..." ngiti ni Lara sa oras n
