الفصل الثالث ( حلم )

2278 Words

أغلقت الكتاب وهى تفرك ما بين عيناها بضيق فقد شعرت بالارهاق فتلك القصه جعلتها تندمج معاها وتشعر انها استنذفت جميع حواسها ولكن أمسكت بكوب الماء لترتشف منه القليل وتبتسم بهدوء وعادت لتقرا من جديد فالفضول يأكلها لتعرف ما هو القادم فى القصه وماذا سيحدث..... محمد بوجع : بتحبيه ملك : ايوا محمد : هيتقدم ملك : معرفش محمد بضيق : يعني اي متعرفيش بيحبك ليه ميتقدمش اي الي مانعه ولا هو بيتسلي وخلاص ملك بنرفزه : لو سمحت احترم نفسك ثم اني معرفش اذا كان بيبادلني نفس المشاعر او لا وبعد اذنك امسح رقمي ومتبعتش تاني محمد : كنت جاي اسالك عشان انا بحبك وكنت عايز اخد القبول منك الاول قبل ما اجي واتقدم بس مفيش نصيب انا اسف لو كنت ضايقتك وربنا يسعدك ويفرح قلبك مع الي بتحبيه ومن ثم ما هي الا ثواني معدوده وصورته اختفت من علي الشات هذا يوضح انه قد حذف رقم هاتفها ظلت تنظر للحوار الدارج بينهم وهي غير مصدقه انه قد اعلن عن حبه المكنون لها بل غير مصدقه انه يبادلها نفس المشاعر وكان يريد الزواج بها وهي بغباء بينت له ان في قلبها غيره لا يعلم عما بداخلها من عشق له ________________ حسناء : انا عايزه افهم انتي بتعيطي ليه الوقتي ملك وهي تبكي : عشان انا غ*يه وهو مفكرني بحب حد تاني وميعرفش اني بحبه وهو واني كنت بتكلم عن حبه هو وانه كان هيتقدم والوقتي صرف نظر حسناء : طب اهدي متعيطيش ملك : لا هعيط يا حسناء انا زعلانه اوي كدا ضاع من ايدي بسبب غبائي حسناء : هو لو بيحبك فعلا هيتقدم متقلقيش ملك : انت ع**طه يا حسناء هو مفكر اني بحب حد تاني هيتقدم وانا بحب حد غير حسناء ببتسامه خبيثه : ايوا انا درست علم نفس والي يعمل تصرفاته دي هيتقدم يا ملك ومش هيسيبك تضيعي منه ملك وهي تمسح دموعها وقد بث الامل قلبها : تفتكري هيتقدم بجد حسناء مطمئنه : ايوا صدقيني هيتقدم انتي بس ادعي لو هو خير ليكي ربنا يقربه منك ___________________ حسناء : عريس اي يا ماما دا الي عايزاني اقا**ه هو مش انا قلت مش عايزه اتجوز الفتره دي واني مش فاضيه ورساله الماجستير اهم وشغلي اهم من اني اقعد مع حد واتكلم معاه ويا يحصل نصيب يا لا _ يا بنتي المره دي ابوكي يعرفه وبيشكر فيه وبعدين اقعدي معاها يمكن يبقي فيه القبول اقعدي معاه وريحيني وطمني قلبي عليك يا قلب امك حسناء بتنهيده : ماما انتي عارفه ان ليا شروط لازم تبقي في مواصفات جوزي ودي مش بلاقيها _ المره دي انا متفأله خير ابوكي بيشكر فيه وبيقول عليه متدين وحافظ القران ومراعي ربنا وعلي طول بيشوفه في المسجد ومش بيفوت فرض ثم انه بيشتغل شغلانه حلوه وراجل **يب مش زي شباب اليومين دول حسناء : طيب يا ماما هصلي صلاة استخاره وربنا يقدم الي فيه الخير ______________ حسناء : زي ما بقول لك كدا يا ملك هقعد معاه واشوف لو حصل قبول تمام محصلش تمام ملك : طب وصاحب الحلم حسناء : ماله ملك : مش هتستنيه حسناء بتنهيده : استنيت كتير يا ملك عُلا عندها حق ما هو مش معقول هفضل معلقه حياتي هلي شخص بيجيلي في الحلم ويا عالم الشخص دا موجود علي ارض الواقع او لا ملك : بس انتي حبتيه حسناء : اتعلقت بحلم كنت حساه هيبقي حقيقه ارتحت لنبرة صوته وهي بيقرا القران في الحلم لما ببقي مدايقه حسيت انه اشاره من ربنا انه يدلني علي الطريق الصح في وقت كنت مش واخده بالي انا بعمل اي ظهرلي في احلامي وربنا جعله سبب عشان التزم لما كنت ببقي مدايقه وانام يجي ويقرا قران لما ببقي لقانه كان بيجي يفضل يدعم فيا كل دا وانا معرفوش ولا شوفته حسيت اني مجنونه يا ملك محتاجه القي نفسي بعيد عن عالم الاحلام دا عايزه اكمل حياتي طبيعي متمسكش في حلم ملك : الي انتي شايفاه صح اعمليه المهم تبقي مرتاحه يا حبيبتي _________________ تسير في طريقها عائده من عملها متمنيه الوصول لفراشها حتي تأخذ غفوه لترتاح من مشاقة العمل فاليوم كان شاقًا جدا لتفرغ كل ذلك التعب والارهاق علي وسادتها قاطع سيرها صوت مناديها _ انسه ملك لو سمحتي ملك ناظره لصاحب الصوت : افندم نعم يا معتز معتز : مبلكاني ليه علي الفيس ملك : اولا مش من الذوق تفضل تمنشنلي علي بوستات حب وانت عارف ان مفيش بينا حاجه ثانيا مينفعش توقفني في الشارع كدا الناس تقول عليا اي معتز : انت بنت خالي عادي يا ملك مش هيقولوا حاجه يعني ملك : برضوا مينفعش معتز : يبقي تفكي البلوك عشان اكلمك ملك : لا مش هفكه ومش عايزه اتكلم معاك معتز وهو يمسك ذراعها بقسوه : مش بمزاجك يا ملك... قاطع حديثه لكمه قويه جعلته يسقط علي الارض وصوت ملك وهي تصرخ متفاجاه من سقوطه وصوت غريب عليه يتحدث بغضب _ انت ازاي تتعرض لها في الشارع كدا معتز وهو يقف مره اخري ويتخدث بصوت عالي : وانت اي حشرك بينا وانت مالك اصلا مين انت _ انا هقول لك انا مين عشان تحفظ اسمي كويس عشان لو اتعرضت لها تاني هيبقي فيها موتك اسمي محمد يا خفيف معتز باستهزاء : تصدق خوفت محمد : وهو دا المطلوب انك تخاف عشان انا مبرحمش معتز وهو يمسم ملك من ذراعها بقسوه : تعالي معايا هوصلك البيت ملك : انت اتجننت يا معتز سيب ايدي محمد بغضب وهو يبعد يده عنها ويلكمه مره اخره ومرات متتاليه ويتحدث بغضب وصوت عالي : انا قلت لك متتعرضلهاش تاني معتز : انت مالك انت بنت خالتي وانا وهي حرين محمد : انا مبحبش اكرر كلامي تاني سمعت مشوفكش بتتكلم معاها تاني معتز : وانت بقا تطلع مين واي دخلك محمد بغموض : هتعرف انا مين واي دخلي نظر لها بوجع وتحدث بصوت غاضب : واقفه ليه يلا علي البيت هزت ملك راسها بخوف وتوتر واختفت بسرعه عن انظاره متمتمه بصوت هامس ( يا ماما دا انا خوفت منه دا كان هيموت معتز في ايده ) ____________________ _ يلا يا حسناء الشاب زمانه علي وصول حسناء وهي تهندم خمارها : حاضر يا ماما جاهزه اهو صوت جرس الشقه يقاطعهم ذهبت بخطوات سريعه الام مناديه الاب بعد دقائق دخلت حسناء بتوتر وخطوات بطئيه تشر بوخزات داخل قلبها لا تريد الاقبال علي خطوه تجعلها تحزن ولكن كلام صديقاتها صحيح يجب الانتباه لحياتها دخلت بهدوءها المعتاد داعب رائحه عطره انفها جعلها ترفع عينها ببط لاكتشاف صاحب ذلك العطر النفاذ شهقه خفيفه تمردت بين شفتيها جعلت والدها يعقد حاجبيه باستغراب _ مالك يا حسناء يا بنتي في حاجه حسناء بأنتباه : لا يا بابا مفيش _ طيب يا بنتي تعالي اقعدي وانا هيبكوا شويه حسناء : بابا سيب الباب مفتوح واقعد قدامي زي ما انت عارف الاب بضحكه : عارف عارف هسيب الباب مفتوح واقعد في الكرسي الي قدامك هناك دا الي في الصاله متقلقيش ابتسم يوسف وتحدث بهدوء وصوت رخيم : متقلقيش انا عارف حدودي كويس حسناء : حضرتك جاي ليه يوسف : عشان اطلب ايدك ونتجوز علي سنه الله ورسوله حسناء : حضرتك متعرفنيش انت لسه شايفني بس من اسبوع يوسف : ليكي حق تستغربي بس انتي كنتي اشاره وهديه ربنا بعتك ليا في احلامي وانا بؤمن باحساسي رفعت حسناء راسها بانتباه وتركيز وسالت مستفهمه : تقصد اي يوسف : انا مش عارف هتفهمي الي انا بقوله دا او هتقولي عليا مجنون بس انتي جتيلي في الحلم اكتر من مره وكل مره ببمحتاج مساعده او دعم كنت بتزوريني اي نعم مكنش بيظهر غي الحلم غير صوتك بس انا مؤمن ان كل دي اشارات بتثبتلي انك نصيبي حسناء : انا مش فاهمه ازاي دا يحصل يوسف بهدوء : مقدر ومكتوب ربنا اوقات يبعت لنا اشارات ومش بيبقي في ايدينا الا اننا نمشي ورا الاشارات دي حسناء : طب ازاي حد يجي لشخص ولا عمره سافه ولا يعرفه يوسف : في حاجات كدا الافضل انها تفضل بدون تفسير ولا تحليل تفضل مبهمه دا الاحسن صدقيني حسناء : طب انا كمان حصل لي نفس الي حصلك يوسف ببتسامه : ورايك اي اطراقت براسها الي الاسفل بحياء ولم تتفوه ببنت شفه ابتسم يوسف برضا واردف : بيقولوا السكوت علامة الرضا حسناء بخجل : ايوا بس انا ليا طلبات تبقي موجوده في شريك حياتي يوسف بثقه : اتفضلي قولي حسناء : يبقي متدين يوسف : وانتي شايفه اي كملي حسناء : يبقي حافظ للقران يوسف : الحمد الله حسناء : يبقي ملتحي يوسف نظر لها بثقه وهو يرفع حاجبه حسناء : احم قريب من ربنا وياخد بأيدي للجنه، يراعي ربنا فيا، بيمشي بوصيه الرسول، ميبعدنيش عن اهلي ميفرصش عليا اني اقلع الخمار وان شاء الله قريب هلبس نقاب ودا بالاتفاق، جو سي السيد وانا امينه دا لا نعامل بعض بما يرضي الله كل واحد وليه شخصيته محدش يتضهد التاني يوسف ببتسامه قبول : كدا نقول مب**ك مقدما والي فيه الخير يقدمه ربنا يا ست الحُسن حسناء بحياء : ست الحُسن هز يوسف راسه : ايوا من هنا ورايح هنادي ليكي بست الحُسن ممكن بقا تنادي لباباكي عشان نتكلم في التفاصيل _________________ ملك : مش مصدقه يا حسناء دا قاعد مع بابا برا في الصالون من غير ما اعرف انا اتفاجات بماما بتقول لي اخرجي يا ملك ادي العصير للضيوف واتفاجلت بيه هو الي قاعد مع بابا حسناء ببتسامه : انا كان قلبي حاسس انه مش هيسيبك تضيعي من ايده ملك : انا فرحانه اوي حسناء : ربنا يديم فرحتك يااارب يا لوكاا ملك : وفرحتك انتي كمان حسناء بحياء : شكلي حبيته بجد ملك بضحكه : شكلك ؟؟ انتي حبتيه من زمان يا مااما حسناء : حنين، طيب، بيعاملني كأني بنته، انا مصدقتش انه طلب نكتب الكتاب الاسبوع الجاي ملك : مش انتي كنتي دايما نقولي انك مش مقتنعه بفتره الخطوبه دي اهو يا ستي كتب كتاب بدون خطوبه حسناء : سيبك مني المهم انتي خليكي عاقله واتكلمي ومتبقيش دبش بعقل وهدوء ورزانه فهمتي ملك : ايوا يا بنتي فاهمه متقلقيش حطي في بطنك بطيخه صيفي حسناء : ربنا يستر يلا هقفل عشان تردي علي مامتك الي بتنادي عليكي دي ملك : اوك سلام ____________________________ بعد دقائق في صالون المنزل تجلس بتوتر مطقطقه راسها الي الاسفل بحياء لم تشعر ابدا بمرور الوقت وخروج والدها من الغرفه وانسحابه تاركا لهم مجال للحديث محمد ببتسامه : حلوه رفعت راسها مستفهمة كلمته محمد : قصدي علي السجادة الي انتي بصالها من ساعة ما دخلتي حلوه شكلك انتي الي غسلاها عشان كدا عماله تتف*جي عليها ملك : انت جاي تستظرف محمد : لا جاي اتجوز ها اي رايك ملك : وانت مفكر اني هوافق عليك محمد : لو علي الشخص الي بتحبيه فأنسيه عشان انا الي هتحبيه من هنا ورايح غير كدا الاوبشن مبقاش موجود من هنا ورايح محمد وبس الي حلال تفكري فيه ملك : اي الثقه دي محمد : انا واثق في حبي ليكي عارف اني اقدر اخليكي تحبيني ومش عندي استعداد اني اضيعك من ايدي ملك : بس.... محمد : مفيش بس انتي هتوافقي وبس هو دا المطلوب منك ___________ بعد عدة ايام الزينه تملا المكان اصوات الضحكات هنا وهناك _ بارك الله لكما وبارك عليكما وجمع بينكما في خير يوسف ببتسامه ود : مبارك عليا انتي يا ست الحُسن حسناء بحياء : يبارك فيك يوسف وهو يقبل جبينها : اقول لك علي سر انا بحبك من وقت ما كنتي تجيلي في الحلم تطمنيني انك هتفضلي تستنيني، اتعلقت بيكي من وقتها كنتي دايما شاغله بالي هل انتي حقيقه فعلا ولا انا اتجننت ووقت ما سوفتك وسمعت صوتك في المحل عند محمد علي طول سالت علي العنوان وجيت عشان اتملكك شرعا حسناء ببتسامه : اقول لك علي سر لطيف يوسف : طبعا حسناء : حتي انا قلبي متعلق بيك يوسف : اللهم بااارك اي الكلام الي يفتح النفس دااااا _________ بعد عدة ايام من كتب كتاب حسناء بمنزل ملك جالسه امامه علي الكرسي متحدثه بغيظ ملك : بس انا ليه راي تاني يا محمد وياريت تنفذه وكمان عندي كلام عايزه اقوله امنيه حياتي نمشي بيه محمد : ياارب صبرني اتكلمي قولي ملك : شوف بقا الفرح هيبقا اسلامي الرجاله ف مكان والحريم في مكان النيش هنلغيه ونعمل مكانه مكتبه نحط فيها كُتب لما انام بليل فرض عليك تصحيني للقيام وإلا ملناش كلام مع بعض لمده يوم اللي يبعد عن ربنا التاني يخا**ه لحد م يرجع، لما ازعل تصالحني بأي طريقه المهم منامش زعلانه سلام علي قرايبك خالك عمك جدك مبسلمش حجاب باذن الله مبقلعش ، تجيبلي كل يوم شوكلاته وفشار وشيبسي وبيبسي ،اهلي هزورهم علطول تمام محمد : حيلك حيلك اي كل دا بالعه راديو خدي نفسك طيب ملك : هو دا الكلام الي عندي محمد : هبله وبحبك ملك : لو سمحت انا بتكلم بجد محمد ببتسامه : وانا بتكلم بجد انا بحبك ويلا عشان نحدد معاد كتب الكتاب عشان كل الي انتي قلته انا موافق عليه ملك ببتسامه : حيث كدا بقا هروح انادي لبابا ______________ بارك لكما وجمع بينكم في خير محمد : واخيرا تعالي بقا اقول لك انا كنت بحبك من امتي ملك بضحكه : طب اقول لك انا علي صدمه هتتصدم منها محمد : اي هي ملك : اني بحبك انت ومفيش في بالي حد تاني محمد ببتسامه لعوبه : ما انا عارف ملك : عارف ؟! محمد : ايوا عارف باين في عيونك الحب الي حاولتي تداريه وعيونك فضحتك زي ما انا متاكد ان عيوني فضحاني الوقتي ومبينالك قد اي انا سعيد بانك بقيتي زوجتي علي سنه الله ورسوله بشكر ربنا علي وجودك معايا وبحمد علي نعمه زيك انا بحبك وقلبي سعيد بوجود حبك جواه _____________ بعد عدة اعوام يجلس بجانب ابنته في الشرفه يوسف : واتجوزنا بقا يا قلب بابا ومن يومها وانا بحب مامتك وهفضل احبها طول ما انا فيا النفس _ ايوا يا بابا عشان كدا عرفت انت علي طول بتناديلها ست الحُسن حسناء مقتربه منهم : بتتكلموا في اي من غيري ؟! يوسف ببتسامه محتضن ابنته : كنت بحكيلها اتعرفنا علي بعض ازااي حسناء : ربنا يديمك في حياتنا يا حبيبي أبتسامه واسعه أرتسمت على وجهه قوت وهى تغلق الكتاب وتفرك اصابعها غللت أناملها بهدوء لتبعد خصله متمرده من شعرها لتتحسس بجانبها لتمسك العصاه عازمه على التوجهه الى المطبخ لتأكل اى شيي يسد جوعها وهى تفكر متى سيأتى ذلك الفارس هل ستعيش هكذا وحيده دائما، تعلم أنها ليست كباقى الفتيات ولكن ..... تن*دت وهى تتحسس الثلاجه بهدوء وبالها مشغول ولكن عندما تذكرت ما حدث بالقصه شعرت بالسعاده تغمرها على ابطالها دقائق وسمعت صوت جرس المنزل عقدت حاجبيها فمتى سياتى لها.... ___________ #دنيا_صابر #حلم

Free reading for new users

Scan code to download app

App Store Google Play

Facebookexpand_more