22nd wish
(JANNA SANTOS' POINT OF VIEW)
HINDI ako mapakali habang hinihintay na lumabas ang Absolute Boyfriend sa tapat ng kanilang kumpanya. Nagtago ako sa gilid at iniwasan ang kumpol ng mga fans na naghihintay din sa kanila. Mga fans na umiiyak at sumisigaw na para bang nag-rarally sila.
Nadidinig ko ang mga salita at mga opinion nila tungkol sa issue. Madaming galit na fans doon na naghihintay lang ng kanilang pagkakataon upang mailabas ang disappointment kay Ice at sa banda.
Ring Ring.
Tumunog ang aking cellphone at nakita ko ang tawag mula kay Elle. Kanina pa nila ako mini-miss call pero 'di ko ito sinasagot. Alam ko kasing pipigilan lang nito sa balak kong makausap si Ice. Tumakas nga lang ako kay Mama upang makapunta ako dito.
"Ang tagal naman nilang lumabas," reklamo ng isan
