Kabanata 5
Nang makababa na si Katleya sa kanilang sasakyan ay tinawag niya si Black na nag-aabang sa kanila. Nakatulog na kasi ang tatlo at sigurado siya sa mga oras na ito ay hindi na isang prank, humihilik na kasi ang mga ito.
Pagbukas ni Black sa kanyang sasakyan, agad niyang kinarga ang nasa gilid, si Violet. Kinuha naman ni Silver si Red at si Blue ang kinarga ni Katleya.
"Nakatulog na ang mga apo ko. Dalhin muna 'yan sa kuwarto mo, Kat," ani Ezmeralda na masayang tinitingnan ang mga apo niya.
"Okay, Mom." Tiningnan ni Katleya sina Grey at Green. "Psst. Pakikuha naman sa mga napamili ko. Salamat."
"Sure. Para sa mga inaanak namin," ani Green.
Pagdating ni Katleya sa kuwarto niya ay napataas ang kaliwang parte ng kilay niya. Nakadikit pa rin kasi sa dingding ang litrato nilang
