[Pagpapatuloy...]
"May dinalaw lang na kamag-anak sa probinsiya," tugon ni Janice na muling napasulyap sa kotse ng ama. "Magkano po kaya ang aabutin nito? Baka naman may discount na ako, Kuya?"
"Okay na 'to. Settled na kayo. Magte-text na lang ako kapag okay na," sagot ng may-ari ng lugar.
Naalarma naman siya. "Ha? Hindi, magbabayad po, ako. Nakakahiya naman po, alam kong mahina ngayon sa shop n'yo."
"Bayad na nga kayo, may nagbayad na," tugon ni Kuya Otep.
"May nagbayad? Na naman?"
Wala naman siyang ibang masabi. Napakunot na lamang ang kaniyang noo dahil sa pagtataka.
"Oo, si Dr. Albert. Nga pala, Janice, 'yong gustong bumili ng sasakyan n'yo, dumaan kanina. At malaki ang iniaalok kaya nga, gusto ka sanang makausap ng per
