Chapter 09
Umihip ang malamig na hangin. Napatingin ako sa malawak na kapatagan at pinasadahan ng tingin ang buong lugar.
Biglang pumasok sa isip ko ang isang scenario. Kung saan nakita niya ang reyna— nakasakay ito sa kabayo habang may hawak na mahabang kahoy.
Kalaban nito ang ilang mga kawal. Hindi ko namalayan na natatawa na pala ako. Naaalala ko kasing pinakaladkad ako ng reyna at kinailangan itali pa sa puno. Nais ng reyna panoorin ko siya makipaglaban noong panahon na iyon.
Agad din nawala ang ngiti ko at hinawakan ang braso ko.
"Namimis ko na ang reyna."
"Parang wala kang sinabing ganyan sa mga pinadala mo sa akin na sulat."
Napatalon ako matapos may maramdaman na mainit na paghinga sa likod ng tenga ko. Agad ako na napalingon at napatigil. Halos magkadikit na ang labi na
