MAAGA akong nagising dahil ito ang first day ng work ko bilang personal maid. Bitbit ko na rin ang gamit ko pero may tinira pa rin naman akong damit sa apartment ni Jenny para kapag day off ko, sa kanya ako pupunta.
Sinamahan ako ni Jenny na pumunta sa mismong address nila tita Susana, tinext na lang ng secretary ni tita Susana ang complete address nila nakalimutan daw ibigay sa akin nu'ng nakipagkita siya noong sabado.
“Sure ka bang mag-ha-half day ka lang, Jenny? Ayos lang naman na ako na lang pumunta kaysa naman mag-half day ka pa.” Nag-aalala kasi ako sa kanya. Mahahati niyong sweldo niya ngayong araw dahil sa akin.
“Sira, ayos lang ‘ga! Gusto ko rin makita ang bahay ng pagta-trabauhan mo para kapag nagka-problema pupuntahan agad kita.” Napa-pout tuloy ako dahil sa sinabi niya.
