البارت العشرون -20

1593 Words

البنات' شلون نصدكج انتي داتحجين صدوك ايلا:اني اكولجن شلون تصدگني ايلا:عدكم بنات ختفن ?? البنات: بقينه نباوع وحده بوجه الثانيه اي شلون عرفتي ايلا: اب هذن نباعن لبيت ليلي يعني بيت دعاره واني وحده منهن باعوني حالي من حالهن بس كدرت اشرد وصلت الهاي المرحله بس علمود انقذ باقي البنات ماريدجن تتعذبن مثل البقيه اريد اتقذجن . . . . . .. . . . . . . . . . . . . . . . . . . . . . . . . . . . زينب: اسفه بس منصدكج احنه لين الاام تحبنه ومراح تسوي ويانه هيج رقيه:واني هم ماصدكج اعذرينه ايلا' بس لازززم تسمعنييي زينب: وخري من عدنه امشي رقيه رقيه: ماشي امشينه ايلا: حاولت وياهن ماكو فايده ماصدكن اي كلمه رجعت للسياره واني مستسلمه تيم: ها ماصدكن ايلا: اي ثقتهه عميه بالام تيم: يله عادي نحاول مره ثانيه وثالثه لا تستسلمين وخليج قويه ايلا: تمامم خلي نرجع للبيت احس نفسي تعبانه مال خلك شوو تيم: ماشي رجعنه ودخلنه للبيت. فتحت البيبان دخلت ايلا بس مو ع بعضهه تمشي وتتعثر اني امشي وراهه اخر شي مشت وكعت ايلااااا شبيججج جاوبيني شلتهه وخليتهه بلغرفه ع جربايه . . . . . .. . . . . . . . . . . . . . . . . . . . . . . . . . . . ايلا: برداانه تيم: لزمتهه حرارتهه مرتفعه كلش رحت جبت ماي وصله بقيت اسويلهه كمادات ايلا' شداتسوي دااكولك بردانه وخرهن تيم: اشش انني مصخنه ومتروح الا هيج ايلا: لا اتغطه وادفه وتروح تيم: اسكتين لا اشيلج وادخلج للحمام اسبحج ايلا: سكتتت اششاا تيم: بقيت اسوي كمادات شوي خفت الصخونه وردت اروح اجيب دوه بس اخاف عليه ابقيهه وحده خاف تنشمر شسوي هسه اني طلعت ورحت دكيت الباب ع جيرانه. . . . . . .. . . . . . . . . . . . . . . . . . . . . . . . . . . . ام خالد: منوو تيم: اني خاله ام خالد: ها يمه منو انته ? تيم: اني جيرانكم الجدد ام خالد: ياهلا بيك فتحت الباب تيم: وبيج ام خالد شلونج ان شاء الله بخير ام خالد: الحمد الله الله يسلمك الله يخليك تيم: ولو بعدنه جدد وراح ازعجج وياي بس اريدج بطلب . . . . . .. . . . . . . . . . . . . . . . . . . . . . . . . . . . ام خالد: آمر وليدي وبلخدمه تيم: تسلمين ام خالد ماتقصرين بس المره بلبيت واني اريد اجيب الهه علاج شويه مريضه ام خالد' ياسوده بوجهي هسه اروحله خايبه طيني عباتي روح انته لاتخاف عليهه انه يمهه تيم: فدوا الگلبج ام خالد . . . . تيم: رحت اجيب علاج من الصيدليه وجبت عشه صار الليل. رجعت ولكيت يمهه ام خالد كاعده شويه صايره احسن ايلا. احم اجيت ام خالد: هلا بيك شني جبت العلاج تيم: اي جبته هذا ام خالد. : انه كلت هذا لحليو بس لامرته غبره بس طلعت. مرتك هم صاكه واحلا منك تعرف تختارر تيم: باوعت ع ايلا وستحيت من حجيهه شكلهه تزوجنه كوه رحت اجيبلهه ماي وانطيهه العلاج . . . . . .. . . . . . . . . . . . . . . . . . . . . . . . . . . . ايلا: جنت نايمه يعني مو نايمه شبه نايمه من الصخونه لا اكدر افتح عيوني ولا احجي بس عيوني دمع وبردانه شوي ودخلت مره جبيره كالت لخافين حبيبه اني جيرانكم وزوجح كلي ابقه يمج لين راح يجيب الج علاج شلون صرتي كلتلهه الحمد الله كعدت يمي وبدت تسويلي كمادات خطيه مبينه حبابه يمكن هيه نفسهه الي دزت ريوك الصبح . . . . . .. . . . . . . . . . . . . . . . . . . . . . . . . . . . ايلا: انتي الي دزيتي ريوك ام خالد: اي حبيبتي انيي ايلا: شكرا خاله ملحكت اشكرج ام خالد: العفوا بنيتي مابيناتنه شكرر وانتي مثل بنيتي واذا تردين تشكريني صيري زينه مو اجيتج اول مره اشوفج وانتي بهاي الحاله ايلا: ان شاأء الله خاله تعبتج وياي وبقيتي تسويلي كمادات ام خالد: ماكو تعب. ياحلوه . . . . . .. . . . . . . . . . . . . . . . . . . . . . . . . . . . ايلا: بقينه نحجي بهلحضه اجه تيم دخل علينه ودار الحجي هوه وام خالد وتكوله مريتك الحلوه وعرفتك تختار هوه ستحه ?واني صرت طماطيه تيم راح طفر اني شسوي بقيت كاعده بعدين تيم اجه جابلي دوه والمي كعد يمي ع جربايه وطلع الدوه ينطيني ويشربني. مي بحياتي محد مهتم بيه هيج ابدد جنت من اتمرض ابقه كاعده وحدي وارجف جوه البطانيه لحد مانام بقيت صافنه بعيونه وهوه صافن بعيوني . . . . . .. . . . . . . . . . . . . . . . . . . . . . . . . . . . ام خالد: ها بدت رومانسيتكم. نسيتوني هنااا يمعودين تيم: لا ام خالد شلون ننساج فضلج جبير علينه ام خالد: اي طلعتكم فوك القمررر ايلا: ?ههههه ام خالد: يله مادلم ضحكت الحلوه وصارت شوي احسن خلي اروح لبيتي اتعارك ويه جنايني مايسون عشه للزلمه اذا ماتعارك وياهن كل وحده كاعده بغرفتهه ومبوزات تيم: ليش تحجين عليهن ام خالد خطيه ? ام خالد: ولك انته شتعرف عنهن هذن حيايه يكرصن ويضمن راسهن كل وحده تقره براس رجلهه بحة الجهال وخلن. الاخوان واحد مابشوف اللثالث وامهات خيسه يردن بيوت وهنه غرفهن خايسات ايلا: ? خاله مو اعتقد هاي اسرار بيت ام خالد: ياسرار جاشحجيت انه بس خيستهن ولك طيني عبايتي خلي امشي تيم: انيي ?? ام خالد: اي جا اكو غيرك هناك انته المدهور الحلوو تيم: يله راح اسوي نفسي ماسمعت الكلمه الاولى بس الثانيه اهم شي حلوو وهاج هاي العبايه ام خالد: اي بس مريتك احلا منك ايلا: اكيدد يجي بجمالي تيم: اهوو شوفي يم خالد كبرتي راسهه ام خالد: من حقهه غير جنهه كيكه لو انه من امك اغلفهه واخليهه بلكاونترر تيم: جان صيحتيهه مثل جناينج ? ام خالد: لا هاي تختلف. تنحط ع جرح هذنيج هنه يجرحن. وهسه خلي امشي شتردون بس دكو عليه الباب تيم: طلعت وياهه ونطيتهه المواعين مالتهه وشكرتهه. وجبت عشه كيلو كباب النه وكيلو كباب الهم نطيته الهه ومقبلت تاخذه كوه خذته وراحت قفلت البيبان دخلت للغرفه لكيت ايلا لازمه راسهه ومالهه خلك . . . . . .. . . . . . . . . . . . . . . . . . . . . . . . . . . . تيم: ها شلون صرتي ايلا: احسن بس راسي يوجعني تيم: هاي لين مماكله ضغطج هبط هاي جبت كباب يله اكعدي اكلي. ايلا:ماكدر اكوم اكل تعبانه جسمي باهت تيم: ابقي ع جربايه اني راح اجيب الاكل ايلا: ماشي تيم: جبت صينيه وببسي اني جبت قوطيتي بارده وايلا جبت الهه حاره سويتلهه لفه مال كباب ونطيتهه الهه بايدهه وفتحت القوطيه هم خليتهه كبالهه. . . . . . .. . . . . . . . . . . . . . . . . . . . . . . . . . . . ايلا: شنو هاي تيم: شنوو ايلا: ليش القوطيه حاره تيم: لين مريضه ايلا: متنشرب تيم: ماشي جبتلج عصير هم اشربي مكان الببسي ايلا: عاد العصير اش*ه. الببسب من حار يصير يحرك من الغاز تيم: اكلنه وخلصنه وشلت الصينيه عدلتهه بفراشهه وغطيتهه وكلتلهه نامي ايلا: ماشي بس بعدني شوي بردانه تيم: اني اسويلج كمادات ايلا: لاتعبتك اليوم وياي. تيم:عادي ترديهن الي ايلا: بدون مانتبه كلتله لااسم الله عليك ? تيم: شنو تخافين عليه ايلا: اي يعني اذا صارلك شي منو راح يحل القضيه وياي تيم' طلعتي ع القضيه ? ايلا: طبعاا وغفيت نمتت تيم: بقيت اسويلهه كماداتت لحد مانمت. واني مادري بروحي . . . . . .. . . . . . . . . . . . . . . . . . . . . . . . . . . . ايلا: كعدت الصبح اكو ثكل عليه افتح عيوني والكه تيم نايم ع لكرسي وراسه واديه ع جربايه مخليهن عليه كعدت وخرته شوي وهوه فزز تيم:هاا شلونج شلون صرتيي ايلا: تمام مبيه شي بس عركانه وهسه راح تدخل اسبح تيم: ماشي .. . . . . .. . . . . . . . . . . . . . . . . . . . . . . . . . . . .. . .. . زينب: رقيه خاف الحجي الي كالو صحيح اليوم بنيه ختفت جانت ويانه بلمدرسه رقيه: لا هاي الام متسوي هيج هيه تحبنه اكثر من اطفالهه الحقيقين لاتصدكين هذيج لبنيه تريد تخلينه نكره الام علمود تصف وياهه زينب: اي بس وين يرحن رقيه: اني هسه راح اسئل الام واشوف وين راحت . . . . . .. . . . . . . . . . . . . . . . . . . . . . . . . . . . رقيه: رحت اسئلهه. فتحت الباب كبل ودخلت لين جنت خايفه مانتبهت كلتلهه الام هيه كمزت وكع الموبايل منهه واشوف لبنيه الي اختفت بمقطع فيديو تبجي وتصرخ وملبسيهه فستان فاضح. بقيت مصدووومه من الشفته معقوووله كلام البنيه صحيححح بديت ارجع ليوره وهيه تتقدم عليه وسدت الباب و.........يتبع . . . . . .. . . . . . . . . . . . . . . . . . . . . . . . . . . . الكاتبه: noor لاتنسون التصويت والاشتراك بحسابي . . . . . .. . . . . . . . . . . . . . . . . . . . . . . . . . . .

Free reading for new users

Scan code to download app

App Store Google Play

Facebookexpand_more