"KUMUSTA naman ang bakasyon mo, Girl? Halos dalawang linggo ka rin do'n. Namiss ka namin." Sabi ni Jackie kay Heaven.
"Oo nga. Naka-move on ka na ba?" Tanong naman ni Crystal at uminom ng juice.
Heaven sighed. Sumandal siya sa kinauupuang sofa. Binisita siya ng mga kaibigan kaya hindi siya natuloy na pumasok sa restaurant nila.
"Oh, may problema ba?" Tanong ni Crystal.
Umiling si Heaven. "Wala naman. May naalala lang ako."
"So," ngumisi si Jackie habang nakatingin kay Heaven, "may nangyari ba sa Baguio?"
Muntik ng maibuga ni Heaven ang iniinom na juice dahil sa tanong ni Jackie. Tumikhim siya. "Anong ibig mong sabihin?"
"Ikaw ba? Wala namang ibig sabihin ang tinatanong ko. Tinatanong ko lang kung may nangyari ba sa Baguio? Kakaiba kasi ang aura mo. Hindi ka naman ganiyan dati." Sabi
