Emerald
Sinubukan kong matulog pero hindi talaga ako mapakali habang nakikitang mahimbing siyang natutulog sa kama. Kung pagbabasehan kasi ang ugali nito, baka bigla niya na lang akong gapangin sa sofa. Abot langit pa naman ang kamanyakan ng halimaw na 'to.
Pero ramdam kong tinatablan na din ako ng antok habang nakatingin sa kaniya. Kulang na lang lagyan ko ng posporo ang mga mata ko para manatili lang akong mulat. Ayokong manlambot at baka mamaya samantalahin na naman nito ang pagkakataon.
Ang ending, baka magmukha akong zombie sa sariling kong engagement party. At imbes na matuwa ang mga taong nakapaligid sa amin bigla na lang magbago ang impression nila dahil sa kawalan ko ng enerhiya.
"Huwag mo akong masyadong titigan, darling. Baka bigla kitang buhatin papunta sa kama."
Sumikdo a
