Emerald
HINDI ako mapakali kahit sabihing magkalayo naman ang beach umbrella namin ni Mr. Saavedra at iba din ang mga taong nag-aayos sa kanya. Malakas ang hangin sa dalampasigan ng islang kinaroroonan namin, ngunit hindi pa rin nito magawang buwagin ang tibay ng large curls na ginawa nila sa aking buhok.
Kararating lang namin ng isla kanina pero narinig ko na agad ang usapan ng mga tauhan niya mula sa Goddess Realm na mas naunang dumating sa amin para ayusin ang set. Kung susumahin, sinasabi lang naman ng mga ito na maliban sa maganda, maputi at matangkad din daw pala talaga ang mapapangasawa ng CEO. Ito ang unang beses na nasilayan nila ako nang maayos simula noong dumating kami ng resort, ngayon ko lang napagtanto na iba din pala ang grupong assigned sa pinakaunang nasamahan kong phot
